Millennium is gestig in 2019 deur die 3 Baard broers, Christiaan, Hendré & Morné. Die broers is oorspronklik van Somerset-Wes. Tydens die inperking van die pandemie het die 3 boeties begin saam oefen met hul oog daar op om hul eerste debuut album klaar te hê sodra die inperking verby is. In die tyd het die middel broer Hendré die album se liedjies geskryf en in kontak getree met Lee Berg om die album vir hul op te neem. Met baie tyd in Lee Berg se ateljee in Gordonsbaai het die 3 broers en Lee vinnig vriende geraak en saam besluit dat Lee ook deel gaan vorm van Millennium.